Tilboð um berarakanningar

Uppskot til løgtingslóg um broyting í løgtingslóg um sjúkrahúsverkið (Berarakanning fyri fólk millum 18 og 45 ár og makar hjá berarum)

Føroyar hava - orsaka av okkara uppruna - eina serliga støðu, tá ið tað snýr seg um deyðiligar arvaligar sjúkur. Føroyingar eru lutfalsliga nær skyldir, og tí er títtleikin av fleiri deyðiligum arvaligum sjúkum hægri í Føroyum, enn hann er uttanlands.

Endamálið við uppskotinum er at styrkja sjálvræðið og vitanargrundarlagið hjá einstaklingum og pørum, í sambandi við eina møguliga avgerð um barnsburð. 

Uppskotið hevur við sær, at fólk í aldrinum 18 til 45 ár og makar at staðfestum berarum fáa ein lógartryggjaðan rætt til at kanna, um tey eru berararar av ávísum deyðiligum ílegusjúkum í Sjúkrahúsverkinum. Uppskotið hevur við sær, at fólk við úrslitinum frá berarakanningini fáa møguleika at taka meira upplýstar avgerðir viðvíkjandi møguligum barnsburði.

Uppskot Til Løgtingslóg Um Broyting Í Løgtingslóg Um Sjúkrahúsverkið Um Berarakanningar